काठमाडौं – निर्देशक चन्द्र पन्तले फिल्म ‘आँबाट आमा’को छायाङ्कन सम्पन्न गरेका छन् । उनका अनुसार फिल्मको छायाङ्कन २५ दिनमा पूरा भएको हो ।

लक्ष्यभन्दा पाँच दिनअघि नै चन्द्रले छायाङ्कन पूरा गरेका हुन् । दशैँपछाडि पोस्ट प्रोडक्सनको काम सुरु गर्ने योजनामा उनी रहेका छन् ।

यस फिल्ममा नायक पल शाह, नायिका सिम्रन पन्त र विपना थापा शीर्ष भूमिकामा रहेका छन् ।

पल र चन्द्रले यस फिल्ममा पहिलो सहकार्य गरेका हुन् । यसको छायाङ्कन सकिए लगत्तै चन्द्रले पललाई अर्को अनटाइटल फिल्ममा अनुबन्ध गरेका छन् ।

नयाँ फिल्म र अन्य कलाकारबारे केही समयपछि जानकारी दिने योजनामा चन्द्र रहेका छन् ।

‘आँबाट आमा’को लेखक पनि चन्द्र आफैँ हुन् । संवाद भने अमर न्यौपाने र अभिमन्यु निरवीको रहेको छ ।

आर्या इन्टरटेन्मेन्टको ब्यानरमा यो फिल्म प्रदर्शन मिति फागुन १५ लाई तोकिएको छ ।