काठमाडौं – श्रीनगर एग्रीटेक इन्डष्ट्रिज लिमिटेडको साधारण शेयर (आइपीओ) बिक्री सुरु भएको छ । कम्पनीले पहिलो चारणमा उद्योग प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीका लागि आइपीओ बुधबारबाट निष्काशन गरेको हो ।

कम्पनीले जारी पूँजी एक अर्ब ६३ करोड १२ लाख ५० हजार रुपैयाँको २० प्रतिशत अर्थात् ३२ करोड ६२ लाख ५० हजार रुपैयाँ बराबरको ३२ लाख ६२ हजार ५०० कित्ता शेयर निष्काशन गर्नेछ । जसमा १ प्रतिशत अर्थात् १ करोड ६३ लाख १२ हजार ५०० रुपैयाँ बराबरको १ लाख ६३ हजार १२५ कित्ता उद्योग प्रभावितका लागि ३ करोड ९ लाख ९३ हजार ८०० रुपैयाँ बराबरको ३ लाख ९ हजार ९३८ कित्ता साधारण शेयर विदेशमा भएकाका लागि रहेको छ ।

प्रतिकित्ता १०० रुपैयाँका दरले न्यूनतम १० कित्ता र अधिकतममा १० हजार कित्ताका लागि आवेदन दिन पाइने छ ।

उद्योग प्रभावितको लागि छिटोमा भदौ २५ र ढिलोमा असोज ९ गतेसम्म आवेदन दिनुपर्ने छ । विदेशमा भएकाको हकमा भने छिटोमा भदौ १५ गते र ढिलोमा भदौ २५ गते आवेदन दिनुपर्ने छ ।

आइपीओ निष्काशन तथा बिक्री प्रबन्धक नबिल इम्भेष्टमेन्ट बैंकिङ्ग लिमिटेड छ ।