काठमाडौं- क्यानाडाको भ्यान्कुभरमा आयोजित सडक महोत्सवमा सवारी साधनले कुल्चिँदा ‘धेरै’ जनाको ज्यान गएको छ । भ्यान्कुभरमा फिलिपिनो समुदायले मनाउने लापु–लापु पर्वका अवसरमा आयोजित सडक महोत्सवमा सहभागीलाई लक्षित गरी चालकले सवारी जोतेका थिए ।

भ्यान्कुभरको इस्ट ४१ एभिन्यू र फ्रेजर स्ट्रिटमा स्थानीय समयअनुसार शनिबार राति ८ बजे घटना भएको समाचार संस्था रोयटर्सले जनाएको छ । घटनामा कति जनाको हताहती भएको भन्ने अझै विवरण दिइएको छैन ।

क्यानाडाको राज्यसञ्चालित प्रसारक संस्था सीबीएसका अनुसार सडक महोत्सवमा रमाइलो गरिरहेका बेला कालो एसयूभी मानिसहरुलाई लक्षित गरी दौडाएका थिए । प्रहरीका अनुसार उक्त सवारी साधनका चालकलाई नियन्त्रणमा लिइएको छ ।

घटनामा संलग्न भएको आरोपमा प्रहरीले भ्यान्कुभरकै स्थानीय ३० वर्षीय पुरुषलाई नियन्त्रणमा लिएको बीबीसीले उल्लेख गरेको छ । घटनाप्रति क्यानाडाका प्रधानमन्त्री मार्क कार्नीले दुःख व्यक्त गरेका छन् ।

प्रहरीले अनुसन्धान जारी रहेको जनाएको छ । भ्यान्कुभर प्रहरीले घटनाबारे जानकारी हुनेलाई सम्पर्क गरी अनुसन्धानमा सहयोग गरिदिन पनि आग्रह गरेको छ ।

क्यानाडामा सामेबार संघीय निर्वाचन आयोजना हुँदैछ । निर्वाचनअघि भएको यस घटनालाई निकै चासौपूर्वक हेरिएको छ ।