काठमाडौं- राजेन्द्र लिङ्देन नेतृत्वको राष्ट्रिय प्रजातन्त्र पार्टीले राजसंस्था पुनर्स्थापनाका लागि हुने आन्दोलन नछाड्ने भएको छ।

शुक्रबार राजधानीमा राजसंस्था र हिन्दु राष्ट्रको पुन:स्थापना, संघीयताको खारेजी लगायतका विषयमा हुने प्रदर्शन र आन्दोलन छाडेको भनेर अफवाह फैलिएपछि प्रवक्ता मोहन श्रेष्ठले यस्तो भनेका हुन् ।

‘पार्टीको नाम, छाप र प्रवक्ताको नाम दुरुपयोग गरी नक्कली लेटरप्याड बनाएर कार्यक्रम स्थगित हुने भनि सामाजिक सन्जालमा भ्रम सिर्जना गर्ने प्रयास भएको छ’, श्रेष्ठले भने, ‘यस्ता कार्यहरू निन्दनीय र आपत्तिजनक छन् । राप्रपा उक्त कार्यको खण्डन गर्दछ । कोही भ्रममा नपर्न आग्रह गर्दछ ।’

राप्रपाले शुक्रबार तीनकुनेमा हुने प्रदर्शनमा सक्रिय सहभागी हुन र आन्दोलनलाई उचाइ दिन पार्टी पंक्ति जनसमुदायलाई पनि राप्रपा आग्रह गरेको छ।

राप्रपा समान विचार र उद्धेश्य भएका सबैसँग सहकार्य, कार्यगत एकता र मोर्चा बनाएर आन्दोलनको मोर्चामा उभिन प्रतिबद्ध रहेको श्रेष्ठले बताए ।