काठमाडौं– गुन्युचोली लगाएर बुलेट बाइकमा मेची–महाकाली यात्रा गर्ने ५५ वर्षीया आमालाई काठमाडौं महानगरपालिकाले सम्मान गरेको छ । बुलेट आमा सुशीला उप्रेती तिवारीको बुलेट मोटरसाइकल यात्राको प्रशंसा गर्दै महानगरले सम्मान गरेको हो ।

झापा बुधबारेकी  तिवारीले भदौ ५ गते मेचीबाट मोटरसाइकल यात्रा थालेकी थिइन् । नवौँ दिनको मध्यान्नमा सुदूरपश्चिम प्रदेश कञ्चनपुर जिल्लाको गड्डाचौकीमा पुगेर त्यस चरणको यात्रा समापन गरेकी थिइन् । 

आगामी अन्तरदेशीय यात्रा सफलताको शुभकामना दिँदै महानगकी उपमेयर सुनिता डंगोलले तिवारीलाई बिहीबार सम्मान पत्र हस्तान्तरण गरेकी थिइन् । 

तिवारीको मोटरसाइकल यात्रा सहासी नेपाली महिलालाई प्रतिनिधित्व गर्ने सन्देश भएको डंगोलले बताइन् ।

 ‘नेपाली महिलाहरुले लगाउने गुन्युचोली लगाएर ५५ वर्षको उमेरमा मोटरसाइकलबाट यात्रा गर्नु अरु महिलाहरुका लागि केही नयाँ गर्न सकिन्छ भन्ने उत्प्रेरणा हो ।’, डंगोलले भनिन् । 

‘सहासी र शसक्त नेपाली महिलाको पहिचान प्रवर्धन गर्न अब भारत, बंगालादेश, मलेसिया हुँदै थाइल्याण्डसम्म यात्रा गर्नेछु’, विगत यात्रा र आगामी यात्राको बारेमा बताउँदै तिवारीले भनिन्, ‘यात्राका क्रममा भेटिने हरेक व्यक्ति र समुदायको सहयोग लिएर यात्रा सम्पन्न गर्ने योजना छ ।’

सम्मान कार्यक्रममा निमित्त प्रमुख प्रशासकीय अधिकृत नुरनिधि न्यौपाने,  प्रशासन विभागका प्रमुख ध्रुवकुमार काफ्ले पनि सहभागी थिए