काठमाडौं – विश्व च्याम्पियन स्पेनको महिला राष्ट्रिय फुटबल टोलीले पराजयको सामना गरेको छ। बुधबार भएको युरोपेली नेसन्स लिगको खेलमा इंग्ल्यान्डले स्पेनलाई १-० ले हराएको हो।
सन् २०२३ को विश्वकप फाइनलमा स्पेनले इंग्ल्यान्डलाई हराएर उपाधि जिते यता यी दुई देशको पहिलो पटक भेट भएको हो।
बुधबार भएको खेलमा इंग्ल्यान्डलाई जित दिलाउने क्रममा जेस पार्कले निर्णायक गोल गरिन्। यस अघि पोर्चुगलसँगको खेलमा १-१ गोलको बराबरी गरेपछि इङ्लिस टोलीको धेरै आलोचना भएको थियो।
स्पेनसँगको खेलमा भने इङ्गल्यान्ड केही हदसम्म भाग्यमानी पनि साबित भयो। लुसिया गार्सियाको प्रहार क्रस बारमा लागेर फर्केको थियो।
प्रतिक्रिया