काठमाडौं – अन्तर्राष्ट्रिय क्रिकेटको वरीयतामा भारतीय खेलाडी सधैँ अगाडि छन्। अन्तर्राष्ट्रिय क्रिकेट परिषद् (आईसीसी)ले सार्वजनिक गरेको पछिल्लो टी-२० वरीयतामा भारतीय तीव्र गतिका बलर जसप्रित बुमराह १० स्थानमाथि उक्लिएका छन्। उनी अहिले १८ औं स्थानमा छन्।

भारतीय क्रिकेटर ब्याटरतर्फ तिलक बर्मालेसमेत उच्च लय देखाउँदो तेस्रो स्थानमा उक्लिएका छन्। अहिले भारतका अर्का ब्याटर अभिषेक शर्मा शीर्ष स्थानमा छन्।

टी-२० वरीयतामा बलिङतर्फ भारतकै वरुण चक्रवर्ती शीर्ष स्थानमा कायम छन्। बलिङको टेस्ट लिस्टमा बुमराह एक नम्बरमा छन् भने प्याट कमिन्सले उनलाई पछ्याइरहेका छन्। पछिल्लो सूची अनुसार चार स्थान सुधार गर्दै कमिन्स दोस्रो नम्बरमा उक्लिएका हुन्। उनी बुमराह भन्दा ३० अंकले पछाडि छन्।

अलराउन्डतर्फ मिचेल स्टार्क तेस्रो स्थानमा उक्लिएका छन्।