काठमाडौं – नेपाल प्रिमियर लिग (एनपीएल) अन्तर्गत बुधबारको खेलमा चितवन राइनोजले लगातार विराटनगर बोल्टस्का दुवै ओपनरसहित चार ब्याटरलाई गुमाएको छ । 

१७५ रनको बलियो लक्ष्यसहित जबाफी ब्याटिङमा उत्रिएको विराटनगरको ४ ओभरको अन्तिम बलमा चौथो विकेट गुमाएपछि यो टिम संकटमा परेको हो । खेल ६ ओभरमा पुग्दा यो टिम चार विकेटको क्षतिमा ३७ रनको अवस्थामा छ ।

चौथो विकेटका विराटनगरले बसिर अहमदलाई गुमाएको हो । उनले २ बलको सामना गर्दा रनको खाता पनि खोलेनन् ।

४ ओभरको तेस्रो बलमा तेस्रो विकेटका रुपमा साम हिजलेट आउट भएका हुन् । सामले ११ बलमा ३ छक्काको सहयोगमा २२ रन जोडे ।

साम र बसिर दुवै रञ्जिक कुमारको बलको शिकार भएका हुन् ।

त्यसअघि विराटनगरका ओपनर ओकेश बम ७ रन र जर्ज मुन्से ५ रन जोडेर आउट भएका हुन् ।

पहिलो विकेटका रुपमा लोकश बम दोस्रो ओभरको चौथो बलमा आउट भए । उनलाई चितवनका सोहिल तानभिरले आउट गरेका हुन् ।

तेस्रो ओभरको तेस्रो बलमा अर्का ओपनर जर्ज मुन्सेलाई कलम ऐरीले आउट गराएका हुन् ।

चौथो ओभरमा पुग्दा जनकपुर २ विकेटको क्षतिमा २६ रनको अवस्थामा छ ।