काठमाडौँ – नेपाली काँग्रेसले राज्यव्यवस्था तथा सुशासन समितिको सभापतिमा प्रतिनिधिसभा सदस्य ईश्वरी न्यौपानेलाई पठाउने भएको छ ।

सभापति शेरबहादुर देउवानिवास बूढानीलकण्ठमा मङ्गलबार बसेको पदाधिकारी बैठकले न्यौपानेलाई समितिको सभापति बनाउने निर्णय गरेको हो ।

सङ्घीय निजामति सेवा विधेयक, २०८० मा समितिले ‘कुलिङ पिरियड’मा गरेको सर्वसम्मत व्यवस्थामा छेडखानी भएपछि काँग्रेस सांसद रामहरि खतिवडाले राजीनामा दिएका थिए । त्यसयता उक्त पद रिक्त छ ।

काँग्रेसका मुख्यसचिव कृष्णप्रसाद पौडेलले रिक्त पदमा सांसद न्यौपानेलाई पठाउने निर्णय गरिएको जानकारी दिए ।

‘राज्य व्यवस्था समितिको रिक्त सभापति पदमा माननीय ईश्वरी न्यौपानेलाई पठाउने सहमति भएको छ,’ उनले खबरहबसँग भने ।