काठमाडौं – फिल्म ‘कबड्डी’को रिल जोडी दयाहाङ राई र रिश्मा गुरुङ स्टारर फिल्म ‘रिमै’को ट्रेलर सार्वजनिक भएको छ । निर्माण पक्षले यो फिल्मको ट्रेलर आइतबार सार्वजनिक गरिएको हो ।

ट्रेलरले फिल्म ग्रामिण परिवेशमा बनेको प्रष्ट पारेको छ । ‘सोल्टिनी’ साइनोकी रिश्मासँग दयाहाङको प्रेम र विवाह फेरिफेरिको घटनामा ट्रेलर केन्द्रित रहेको छ । ट्रेलरमा नायक अर्पण थापालाई भने खलपात्रको भूमिकामा देखाइएको छ ।

ट्रेलरमा फिल्मका शीर्ष र मुख्य पात्रहरुलाई स्थान दिइएको छ । फिल्ममा गौमाया गुरुङ, कविता आले मगर, माओत्से गुरुङ र पुस्कर गुरुङ मुख्य भूमिकामा रहेका छन् ।

यो फिल्म भदौ २० बाट देशभर प्रदर्शनमा आउँदैछ । यसको लेखक कवि तथा निर्देशक उपेन्द्र सुब्बा हुन् ।

गोरखा सिरानचोक एण्ड लिगलिगकोट फिल्मस् प्रालीको प्रस्तुती र रोटेपिङ इन्टरटेनमेन्टको सहकार्यमा यो फिल्म बनेको हो ।

ट्रेलरको लिंक