काठमाडौं- ठगी, आपराधिक विश्वासघात तथा आपराधिक लाभसम्बन्धी कसूर मुद्दाका फरार रहेकालाई प्रहरीले नियन्त्रणमा लिएको छ ।
भक्तपुर सूर्यविनायक नगरपालिका-८ सिपाडोल बस्ने सुनसरी गढी गाउँपालिका-५ का ४८ वर्षीय हिराबहादुर मगरलाई बुधबार प्रहरीले पक्राउ गरेको हो ।
जिल्ला अदालत सुनसरीबाट २०८२ असार १७ गते उक्त मुद्दामा पक्राउ पुर्जी जारी भएपछि फरार रहेका उनलाई काठमाडौं उपत्यका अपराध अनुसन्धान कार्यालय टेकुले भक्तपुर सुडालबाट पक्राउ गरेको जानकारी दिएको छ । पक्राउ परेका मगरलाई आवश्यक अनुसन्धान तथा कारबाहीका लागि जिल्ला प्रहरी कार्यालय सुनसरी पठाइएको बताइएको छ ।
प्रतिक्रिया