काठमाडौं – बलिउड हाँस्य कलाकार कपिल शर्मा टेलिभिजनबाट विश्राम लिइ ओटीटीमा कार्यक्रम चलाएर चर्चा बटुलिरहेका छन् ।

ओटीटीमा उनको कार्यक्रम ‘द ग्रेट इन्डियन कपिल शो’को तेस्रो सिजन जारी छ । यस सिजनको पहिलो एपिसोडमा अतिथि सलमान खान आएका छन् ।

गत शनिबार पहिलो एपिसोड ओटीटीमा प्रिमियर भएको थियो ।

अहिले शोसँगै कपिलको पारिश्रमिकको पनि चर्चा हुन थालेको छ । उनले एक एपिसोडबाट पाँच करोड भारु पारिश्रमिक बुझ्ने गरेको भारतीय मिडियाहरुले उल्लेख गरेका छन् ।

बलिउड लाइफका अनुसार उनले पहिलो सिजनदेखि नै कपिलले प्रत्येक एपिसोडको पाँच करोड पारिश्रमिक बुझ्ने गरेका छन् ।

यो सिजन १३ एपिसोडको हुने बताइएको छ । यो अवस्थामा कपिलले एकै सिजनबाट ६५ करोड भारु पारिश्रमिक बुझ्ने छन् ।