सुर्खेत- अन्तरबैंक फुटसल प्रतियोगिताको उपाधि ग्लोबल आइएमी बैंकले जितेको छ । नेपाल राष्ट्र बैंकको ७० औं वार्षिक उत्सवको अवसरमा सुर्खेतको वीरेन्द्रनगरमा भएको प्रतियोगिता ग्लोबल आइएमी बैंक उपाधिसहित ट्रफी उचालेको हो ।

ग्लोबल आईएमई बैंकले एनआईसी एसिया बैंकलाईसात शूल्य गोल अन्तरले पराजित गरेको हो । यसअघि सेमिफाइनलमा ग्लोबल बैकंले नबिल बैंकलाई र एनआईसी एसियाले प्रभु बैंकलाई हराउँदै उपाधि भिडन्त पक्का गरेको हो ।

नेपाल राष्ट्र बैंक कर्णाली प्रदेश कार्यालयको आयोजनामा कर्णाली प्रदेशस्तरीय चौथौ अन्तर बैंक फुटसल प्रतियोगिता आयोजना गरिएको हो। अन्तर बैंक फुटसल प्रतियोगितामा १६ वटा बैंकले सहभागिता जनाएका थिए।

दुई दिनसम्म चलेको प्रतियोगिताले वित्तीय संस्थाको भाइचाराको सम्बन्ध स्थापित गरेको नेपाल राष्ट्र बैंक कर्णाली प्रदेश कार्यालयका प्रमुख राजनप्रसाद रेग्मीले बताए ।

नेपाल राष्ट्र बैंकले स्थापनाको अवसरमा बर्सेनी विभिन्न कार्यक्रमको आयोजना गर्ने गरेको छ ।