काठमाडौं– इरानमा विशाल विस्फोटन भएको छ । दक्षिण इरानको बन्दरगाह शहर बन्दर अब्बासमा शनिबार विशाल विस्फोटन भएको हो ।
सरकार सञ्चालित इर्ना समाचार संस्थाले जनाएअनुसार विस्फोटनमा परी २ सय ८१ जना घाइते भएका छन् । राष्ट्रिय आपतकालीन संस्थाका प्रवक्ता मोज्तबा खालेदीलाई उद्धृत गर्दै इर्नाले उक्त हताहतीको संख्याबारे जानकारी दिएको हो ।
बन्दर अब्बासनजिकैको राजाए क्षेत्रमा विस्फोटन भएको समाचार संस्था एपीले जनाएको छ । बन्दर अब्बासलाई इरानको मुख्य व्यापारिक बन्दरगाह मानिन्छ । यस बन्दरगाह भएर हरेक वर्ष ८ करोड टन बराबरको सामानको आवतजावत हुन्छ ।
अधिकारीहरुले विस्फोटनको कारणबारे केही जानकारी दिएका छैनन् ।
प्रतिक्रिया