काठमाडौं– प्रमुख प्रतिपक्षी दल नेकपा माओवादी केन्द्रसहितका विपक्षीहरूले प्रतिनिधि सभा बैठक अवरोध गरेपछि सभामुख देवराज घिमिरे छलफलमा जुटेका छन् ।

बुधबार बिहान बसेको बैठकमा अवरोध भएपछि ३० मिनेटका लागि रोकेर सभामुखले थालेको छलफल अहिलेसम्म निष्कर्षमा पुगेको छैन ।

नेपाल विद्युत् प्राधिकरणका प्रबन्ध निर्देशक कुलमान घिसिङ बर्खास्ती प्रकरणमा विपक्षीले सदन घेरेपछि सभामुख देवराज घिमिरेले सत्ता पक्ष र प्रतिपक्षी प्रमुख सचेतक र सचेतकसँग छलफल गरिरहेको एमाले सांसद पदम गिरीले बताए ।

प्राधिकरणका प्रबन्ध निर्देशक घिसिङलाई सोमबार बर्खास्त गरिएपछि विपक्षी दलहरूले जनताबीच लोकप्रिय र लोडसेडिङ हटाउन निर्णायक भूमिका खेलेका लाई सरकारले प्रतिशोध साँधेको भन्दै प्रधानमन्त्री केपी शर्मा ओलीको जवाफ मागिएको छ ।

सभामुख घिमिरेसँगको छलफलमा विपक्षीले प्रधानमन्त्रीले ओलीले जवाफ नदिएसम्म सदन चल्न नदिने अडान कायम राखेका छन् ।

प्रधानमन्त्री ओली भने बालुवाटारमा सत्ता पक्षीय सात दलको बैठक सकेपछि सदन जाने या राष्ट्रिय स्वयंसेवक भेलामा सम्बोधन गर्न जाने अलमलमा छन् ।