काठमाडौं – इरान विश्व कप फुटबल-२०२६ का लागि छनोट भएको छ। तेहरानमा उज्बेकिस्तानलाई हराउँदै इरान विश्वकप छनोट भएको हो। इरानलाई विश्वकपमा छनोट गराउने क्रममा मेहदी तरामीले दुवै गोल गरे। उज्बेकिस्तानका लागि खोजिमाट एर्किनोभ र अबोस्भेक फयजुलेभले गोल गरे। दुई खेल बाँकी रहँदा इरानको २० अङ्क छ।

तेस्रो स्थानमा रहेको संयुक्त अरब इमिरेट्सको १३ अङ्क छ। एक समूहबाट दुई टोली सिधै विश्वकपमा प्रवेश गर्ने छन्। सो समूहमा दोस्रो स्थानमा रहेको उज्बेकिस्तानको १७ अङ्क छ।

समूह एकको अर्को खेलमा किर्गिस्तानले कतारलाई ३-१ ले हरायो। संयुक्त अरब इमिरेट्सले उत्तर कोरियासँगको खेलको २-१ को सफलता पायो।

समूह ‘बी’को खेलमा कोरिया र जोर्डनबीच १-१ गोलको बराबरी भयो। प्यालेस्टाइनले इराक माथि २-१ को सफलता पायो। ओमानले कुवेतलाई १-० ले हरायो।

समूह ‘सी’मा यस अघि नै बराबरी गरिसकेका जापान र साउदी अरेबियाबीच गोल रहित बराबरी भएको छ। अस्ट्रेलियाले चीनलाई २-० ले हरायो भने इन्डोनेसियाले बहराइनसँगको खेलमा १-० को सफलता पायो।