काठमाडौं- नेताहरूसँग छलफल गर्ने भन्दै राष्ट्रिय स्वतन्त्र पार्टीका सभापति रवि लामिछाने काठमाडौं महानगरपालिकाका मेयर बालेन्द्र शाहसँगको भेटस्थलबाट बाहिरिएका छन्।

एक नेताले जानकारी दिएअनुसार अब रविसहित केही नेताहरू छलफलमा बस्नेछन् । बालेनले एउटै चुनाव चिह्न लौरो लिएर निर्वाचनमा जाने प्रस्ताव यो भेटमा गरेका छन् ।

रविले यसबारे पार्टी नेताहरूसँग छलफल गरेर निर्णय दिने बताए । ‘पुन: छलफल गरेर बैठक बस्ने भएको छ। केही नेता जुटेर छलफल गर्दैछौं । नयाँ शक्तिसँगको संवाद सकारात्मक भएको छ । एउटै पार्टी बनेर जाने सम्भावना पनि छ । मोर्चाको सम्भावना छ’, ती नेताले भने, ‘देशकै चौथो शक्ति लचिलो भएर जान सकिँदैन । वैकल्पिक शक्ति एक बनाएर जान अभिभावकका रुपमा सोच्नुपर्ने बेला आएको छ ।’

शिशिर पुगे बालेन भेट्न

लामिछाने बाहिरिनेबित्तिकै नेता शिशिर खनाल बालेनलाई भेट्न ज्वागल पुगेका हुन् ।

रविपछि थप छलफल गर्न शिशिर अहिले बालेनका सहयोगी कुमार बेनको घरमा पुगेका हुन् । बालेन्द्र र रवि दुवै पक्षका नेताहरूका अनुसार छलफल सकारात्मक भइरहेको छ।