काठमाडौं – ला लिगा फुटबटमा गएराति भएको खेलमा सेभिल्ला पराजित भएको छ। एस्पान्योलले सेभिल्लालाई २–१ गोल अन्तरले पराजित गरेको हो।
पहिलो हाफ गोल रहित बराबरीमा टुंगिएको खेलको दोस्रो हाफमा तीन गोल भएको हो। दोस्रो हाफको सुरुवात अर्थात् ४८ मिनेटमा स्पान्योलका लागि पेरे मिलाले गोल गर्दै सुरुवाती अग्रता दिलाएका थिए।
घरेलु मैदानमा स्पान्योलले त्यसपछि आक्रामक खेल प्रदर्शन गरेको थियो। खेलको ८४ औं मिनेटमा उसका लागि रोबर्टो फर्नान्डेजले दोस्रो गोल गर्दै अग्रता दोब्बर बनाएका थिए।
खेलको ८६ औं मिनेटमा क्याब्रेराले आत्मघाती गोल गर्दा सेभिल्लाले एक गोल उपहार पाएको थियो।
प्रतिक्रिया