काठमाडौं– ताइवानले नयाँ क्षेप्यास्त्र टिइन कुङ चतुर्थको परीक्षण गरेको छ । ताइवानी सेनाले उक्त क्षेप्यास्त्रको प्रारम्भीरक परीक्षण गरेको हो ।

ताइपेइ टाइम्सका अनुसार आगामी वर्षदेखि यस क्षेप्यास्त्रको पूर्णस्तरमा उत्पादन थालिनेछ । जमिनबाट आकाशमा मार हान्ने यस क्षेप्यास्त्रको मारक दूरी ७० किलोमिटर रहेको उक्त समाचार संस्थाले उल्लेख गरेको छ ।

यस क्षेप्यस्त्रले दुश्मनको लडाकु विमानमात्रै नभइ क्रुज क्षेप्यास्त्र र ब्यालेस्टिक क्षेप्यास्त्र पनि खसाल्न सक्ने दाबी गरिएको छ । चीनसँग तनाव बढिरहेका बेला ताइवानले नयाँ क्षेप्यास्त्र परीक्षण गरेको हो ।

पछिल्लो समय ताइवानले आफ्नो रक्षा बजेट वृद्धि गर्ने तयारी पनि गरिरहेको छ । समाचारमा जनाइएअनुसार ताइवानले आफ्नो रक्षा बजेट बढाएर कुल ग्राहस्थ उत्पादनको ३ प्रतिशत पु¥याउने लक्ष्य राखेको छ ।