काठमाडौं- नेपाल विद्युत् प्राधिकरणका नवनियुक्त प्रबन्ध निर्देशक हितेन्द्रदेव शाक्यले पदभार ग्रहण गरेका छन् ।

मंगलबार साँझ रत्नपार्कस्थित प्राधिकरणको केन्द्रीय कार्यालय पुगेर नवनियुक्त प्रबन्ध निर्देशक शाक्यले पदभार ग्रहण गरेका हुन् ।

प्राधिकरणमा पुग्दा कर्मचारीहरूले शाक्यलाई स्वागत गरेका थिए । पदभार ग्रहण गरेपछि शाक्यले न्याय पाएको बताए ।

उनले यसघिको आफ्नो योजनाअनुसार प्राधिकरणलाई अघि बढाउने बचन दिए ।

उनले प्राधिकरणभित्र रहेका समस्यालाई सामूहिक रुपमा समाधान गर्ने जिकिर गरे ।

शाक्यले लोडसेडिङ हुने हल्ला निराधार मात्रै रहेको बताए । उनले जनताको घरमा अब लोडसेडिङ नहुने स्पष्ट पारेका छन् ।

उनले दुई हप्ताभित्र केही सकारात्मक नजिता देखिने गरि काम गर्ने उल्लेख गरे । शाक्यले डेडिकेटेड र ट्रंकलाइन बक्यौताका विषयमा प्रक्रियागत ढंगले समाधान निकाल्ने दाबी गरेका छन् ।

सोमबार बसेको मन्त्रिपरिषद् बैठकले दुई कार्यकाल प्राधिकरण सम्हालेका कुलमान घिसिङलाई हटाएर शाक्यलाई प्रबन्ध निर्देशकमा नियुक्त गरेको थियो ।