काठमाडौं–चालु आर्थिक वर्ष २०८१-०८२ को दोस्रो मौद्रिक नीतिको समीक्षाको निर्णय गर्न बोर्डको बैठक सुरु भएको छ । 

गभर्नर महाप्रसाद अधिकारीको अध्यक्षतामा बस्ने नेपाल राष्ट्र बैंकको बोर्डको बैठक चलिरहेको राष्ट्र बैंकका सूचना अधिकारी डिल्लीराम पोखरेलले जानकारी दिए । 

पोखरेलका अनुसार सम्भवतः आजै मौद्रिक नीतिको समीक्षा आउने सम्भावना उच्च रहेको छ । राष्ट्र बैंकका गभर्नर महाप्रसाद अधिकारीको ५ वर्षिय कार्यकाल आगामी चैत २५ गते सकिँदै छ । अधिकारीको यो अन्तिम मौद्रिक नीति भएकाले गर्दा  पनि मौद्रिक नीतिको दोस्रो त्रैमासको समीक्षालाई चासोका रूपमा हेरिएको छ । 

अधिकारीको अन्तिम मौद्रिक नीति भएकाले गर्दा राम्रो नीतिहरू ल्याउन सक्ने भन्दै चर्चा चलाईएको छ ।