इजरायल – हमासका अधिकारीले इजरायली प्रधानमन्त्री बेन्जामिन नेतान्याहुले युद्ध विराम उल्लङ्घन गरेको आरोप लगाएका छन्। शनिबार रिहा गर्ने भनिएका ६२० बन्दी रिहा नभएसम्म युद्ध विरामका लागि आफूहरू अघि नबढ्ने समेत हमासले बताएको छ।

प्यालेस्टाइनी प्रिजनर सोसाइटीले दिएको जानकारी अनुसार इजरायलले आक्रमणकै दौरान वेस्ट बैंकमा ३६५ जना प्यालेस्टाइनीलाई बन्धक बनाएको थियो।

प्यालेस्टाइनीलाई स्थायी रूपमा त्यहाँबाट हटाउने योजना अनुसार इजरायलले आक्रमण गरेको उनीहरूको भनाइ छ।

युरोपेली युनियनका विदेश नीति प्रमुख काजा कालासले दुई पक्ष नै समझदार नभएसम्म युद्ध अन्त्यको कुनै उपाय नभएको बताउँछन्।

इजरायलले वेस्ट बैंकमा सेना तैनाथ गरे पनि कालासले सो कुरा बताएका हुन्।

७ अक्टोबर २०२३ का दिन हमासले इजरायलमा आक्रमण गर्दै २५१ जनालाई बन्दी बनाएको थियो। यी मध्य ६२ जना अझै छाड्न बाँकी छन्। ३५ जना जीवित नरहेको बताइएको छ।