काठमाडौं – विश्व क्रिकेटमा एउटै ओभरमा पाँच विकेट लिएर एक बलरले दुर्लभ कीर्तिमान बनाएका छन्। यसरी महत्त्वपूर्ण कीर्तिमान बनाएर नाम लेखाउन सफल भएका हुन इन्डोनेसियाका तीव्र गातिका बलर गेडे प्रियंदाना। जसले मंगलबार कोलम्बियाविरुद्धको टी–२० प्रतिस्पर्धामा एउटै ओभरमा पाँच विकेट लिएर नयाँ र अनौठो कीर्तिमान बनाएका हुन्।

प्रियंदानाले खेलको दोस्रो इनिङको १६ औं ओभरमा यस्तो कीर्तिमान बनाएका हुन्। २६ वर्षीय बलरको यो दुर्लभ कीर्तिमान हो। उनले एउटै ओभमा शाह अब्रार हुसेन, निर्मलजीत सिंह र चान्थोउन रठंनकलाई आउट गर्दै ह्याट्रिक पूरा गरे।

एक बल विकेट बिहीन बनेका उनले पाँचौ र छैटौं बलमा मोंगडारा शोक र पेल भेन्नाकलाई आउट गरेका हुन्।

अन्तर्राष्ट्रिय क्रिकेटमा यस्तो दुलर्भ उपलब्धि आफ्नो नाममा सुरक्षित गर्ने प्रियंदाना पहिलो खेलाडी हुन्। यसअघि केही बलरले घरेलु प्रतिस्पर्धामा केही रेकर्ड बनाए पनि अन्तर्राष्ट्रिय क्रिकेटमा यो पहिलो दृश्य हो।