काठमाडौं – कात्तिक २१ बाट प्रदर्शनमा आएको फिल्म ‘जारी २’लाई ६ करोड ग्रस कलेक्सन पु¥याउनै मुस्किल देखिएको छ ।

बुकिङमा चाप देखिएको यो फिल्मको व्यापार दोस्रो साताबाट आरोलो यात्रामा छ । चलचित्र विकास बोर्डका अनुसार १६ प्रदर्शन दिनमा यस फिल्मले ५ करोड ८९ लाख ग्रस कलेक्सन गरेको छ ।

उक्त अवधिमा यस फिल्म हेर्नका लागि १ लाख ९५ हजार ४२२ वटा टिकट बिक्री भएको बोर्डको आँकडामा देख्न सकिन्छ ।

सामान्य अवस्थामा ग्रस कलेक्सन पाँच करोड नाघ्नुलाई औषत व्यापार मान्ने गरिन्छ । ‘जारी २’ हिट फिल्म ‘जारी’को सिक्वेल भएकाले यसको सुरुवाती १६ दिनको व्यापार कमजोर हो ।

०७९ मा प्रदर्शनमा ‘जारी’ आएको त्यस वर्षको हिट फिल्म हो । बोर्डका अनुसार उक्त फिल्मको लाइफटाइम ग्रस कलेक्सन १७ करोड १७ लाखभन्दा केही बढी छ ।

यस फिल्मको लेखक तथा निर्देशक उपेन्द्र सुब्बा हुन् । नायकहरु दयाहाङ राई, विजय बराल र नायिका मिरुना मगर यस फिल्मको शीर्ष भूमिकामा छन् ।

यही फिल्मसँग एक साथ प्रदर्शनमा आएको फिल्म ‘मन बिनाको धन’ले सुरुवाती १६ दिनमा तीन कराेड ४० लाख ग्रस कलेक्स कटाएको बोर्डले बताएको छ ।