दोलखा– जिल्लाको उत्तरी क्षेत्र बिगु र लामाबगरमा वर्षादको समय पहाडको खोँचबाट आफ्नै आकारमा निरन्तर बगिरहेका आकर्षक झरनाले मनै लोभ्याउने गर्छ ।

वरिपरिका हरियाली पहाडबाट बगिरहेको सेताम्मे र निलो आकारका झरनाको अवलोकन गर्न हिजोआज आन्तरिक तथा बाह्य पर्यटकहरू च्छोरोल्पा पद मार्गअन्तर्गत पर्ने छ्योतछ्योत-सिमिगाउँ हुँदै रिकु लामावगरसम्म पुग्ने गर्छन्।

गौरीशंकर गाउँपालिका र विगु गाउँपालिकाको संगम स्थल लामाबगर हुँदै ओहोरदोहोर हुने रिकु सिमिगाउँ  छ्योतछ्योत पैदलमार्ग आसपासका पहाडी टाकुराबाट झरेका मझौला झरनाले सो पैदलमार्गको पारी विगु-१ र वारी गौरीशंकर-९ बाट देखिने विभिन्न झरनाले पैदलमार्गी यात्रुलाई आनन्दित र आकर्षक पार्ने गर्छ। 

च्छो-रोल्पा लामावगर रिकु- सिमिगाउँ पदमार्गमा पर्ने यहाँका झरनाले पर्यटकलाई लोभ्याउँछ । रोल्वालिङ्ग क्षेत्रका दर्जनौं झरनाको सुन्दरतामा पर्यटकहरू रमाउने गर्दछन् । 

पहाडको खोँचबाट खसेको झरना र पानीको निलो आकरले । पदमार्गमा यात्रा गर्दा झरनासँगै तस्बिर र भिडियो खिच्न पर्यटकहरू लोभिन्छन् ।