काठमाडौं– दक्षिणपूर्वी एशियामा थाइल्याण्ड र कम्बोडियाबीच तनाव बढेर गएको छ । पछिल्लो पटक दुई मुलुकबीचको सीमामा गोली चलेपछि थाइल्याण्डले कम्बोडियामा हवाइ आक्रमण गरेको छ ।
एफ–१६ लडाकु विमानले कम्बोडियामा रहेको सैन्य निशानामा आक्रमण गरेको थाई सेनाले जनाएको छ । कम्बोडियाकोे रक्षा मन्त्रालयले भने थाई विमानले सडकमा दुई बम खसालेको जनाएको छ । दुबै मुलुकले एक अर्कामाथि झडपको स्थिति सिर्जना गरेको आरोप लगाएका छन् ।
थाइल्याण्डले कम्बोडियासँगको सीमा पनि बन्द गरेको छ । गत बुधबार थाइल्याण्डले कम्बोडियाबाट राजदूत फिर्ता बोलाएको थियो ।
थाइल्याण्डको विदेश मन्त्रालयले बिहीबार कम्बोडियाली फौजले भारी तोपले आक्रमण गरेको दाबी गरेको छ ।
प्रतिक्रिया