काठमाडौं – अल एयनलाई ६-० ले हराउँदै म्यानचेस्टर सिटी फिफा क्लब विश्वकप फुटबल प्रतियोगिताको दोस्रो चरणमा प्रवेश गरेको छ।
सिटीका लागि इल्के गुडोगाउँले दुई गोल गरे। समूह ‘जी’मा रहेको सिटीले पहिलो स्थानमा लागि युभेन्ट्ससँग खेल्ने छ। युभेन्ट्स पनि दोस्रो चरणमा प्रवेश गरिसकेको छ।
सोमबारको खेलमा आठौँ मिनेटमा गुडोगाउँले सिटीका लागि पहिलो गोल गरे। उनले दोस्रो हाफमा अर्को गोल गरेका हुन्। २७ औँ मिनेटमा इभेचारीले सिटीका लागि दोस्रो गोल गरेका हुन्।
पहिलो हाफको इन्जुरी समयमा एर्लिङ हलान्डले पेनाल्टी मार्फत गोल गरे। ओबोबले ८४ औ मिनेटमा गोल गरेको खेलमा रायन चेरेकीले सिटीका लागि अन्तिम गोल गरे।
प्रतिक्रिया