लिड्स – भारतले इङ्गल्यान्डसँगको पहिलो टेस्टमा जितका लागि ३७१ रनको लक्ष्य दिएको छ।

सोमबार चौथो दिनको खेल सकिँदा इङ्गल्यान्डले जोखिम रहित खेल्दै बिना कुनै विकेटको क्षति २१ रन जोडेको छ।

जितका लागि इङ्गल्यान्डलाई ३५० रन आवश्यक छ। भारतले ३५० भन्दा बढी रनको लक्ष्य दिएर एक पटक मात्र पराजयको सामना गरेको छ।

तीन वर्ष अघि इङ्गल्यान्डले भारतको विरुद्धमा ३७८ रनको लक्ष्य ३ विकेटको क्षतिका नै पुरा गरेको थियो।

भारतका लागि के एल राहुलले १३७ तथा ऋषभ पन्तले ११८ रनको योगदान गरे। ३३३ रनमा पाँचौँ विकेटको रूपमा राहुललाई गुमाएको भारतले ३६४ रनमा सबै विकेट गुमाएको हो।

सो खेलमा ५८ रनमा पहिलो पटक जीवन दान पाएका राहुलले ९९ रन बनाउँदा ३ पटक जीवन दान पाएका थिए। चौथो दिनको पहिलो सिजनमा ६३ रन मात्र जोडेको भारत दोस्रो सिजनमा आक्रामक भएको हो।