विराटनगर –सुनसरीको बराहक्षेत्रमा गोली चलेको छ ।
शनिबार बेलुका करिब ८ बजे बराहक्षेत्र नगरपालिका–३ मा कालिन्द्र सामुदायिक बन क्षेत्रमा गाँजा कारोबारी नियन्त्रणमा लिनका लागि प्रहरीले गोली चलाएको हो ।
प्रहरीले तीन राउण्ड गोली चलाएको बताइएको छ । गोली लागेर एक जना घाइते भएका छन् । हक्षेत्र नगरपालिका – ३ का ५५ वर्षीय रामप्रसाद लिम्बू घाइते भएको प्रहरीले जनाएको छ । बीपी कोइराला स्वास्थ्य विज्ञान प्रतिष्ठानमा उनको उपचार भइरहेको छ ।
शंकास्पद व्यक्तिलाई रोक्न खोज्दा प्रहरीमाथि खुकुरी प्रहार गर्न खोजेपछि आत्मरक्षाका लागि गोली चलाएको प्रहरीले बताएको छ ।
प्रतिक्रिया