काठमाडौं– विश्व स्वास्थ्य संगठन डब्लूएचओका प्रमुख टेड्रोस अधानोम गेब्रेयससले भारतीय प्रधानमन्त्री नरेन्द्र मोदीप्रति कृतज्ञता जाहेर गरेका छन् । सामाजिक सञ्जाल एक्समा पोस्ट गर्दै डब्लूएचओ प्रमुख गेब्रेयससले प्रधानमन्त्री मोदीप्रति कृतज्ञता जाहेर गरेका हुन् ।

यसअघि स्विट्जरल्याण्डको जेनेभामा आयोजित डब्लूएचओको सम्मेलनलाई मोदीले भर्चुअल रुपमा सम्बोधन गरेका थिए ।

सामाजिक सञ्जालमा गेब्रेयससले लेखेका छन्, ‘महामारी सम्झौता पारित गर्नका लागि आयोजित विश्व स्वास्थ्य संगठनको ७८ औँ सम्मेलनमा सहभागी हुनुभएकोमा प्रधानमन्त्री नरेन्द्र मोदीलाई नमस्ते । डब्लूएचओप्रति भारतको प्रतिबद्धता र सहयोगप्रति हामी कृतज्ञ छौँ ।’

डब्लूएचओको सम्मेलनलाई सम्बोधन गर्दै प्रधानमन्त्री मोदीले विश्वव्यापी स्वास्थ्य पहलमा भारतको योगदानबारे चर्चा गरेका थिए । सम्बोधनका क्रममा उनले भारतमा सञ्चालित आयुष्मान भारत कार्यक्रमबाट ५८ करोड मानिसहरु लाभान्वित भइरहेको उल्लेख गरेका थिए ।