बेइजिङ- चीनमा एकजना जापानी आमा र उनका छोरालाई चक्कु हान्नेले मृत्युदण्डको सजाय भएका छन् । चीनको अदालतका अनुसार झोउ चियाशेङ्ग नामका ती व्यक्तिले ऋणको बोझका कारण यस आक्रमणको घटना गराएका थिए ।

५२ वर्षीय झोउले चक्कुले हमला गर्ने क्रममा जापानी आमा र छोरालाई बचाउन अघि सरेकी महिलाको ज्यान गएको थियो । झोउले बचाउमा उत्रिएकी ती महिलालाई छुरा हानेर ज्यान लिएका थिए । जापान सरकारले पनि यस घटनाको पुष्टि गरेको थियो ।

समाचार अनुसार ५२ वर्षीय आक्रमणकारी झोउ चियाशेङले गत वर्ष २४ जुनमा उक्त आक्रमण गरेका थिए । ती व्यक्ति जागिर गुमाएपछि तनावमा थिए । उनमा ऋणको बोझ पनि थियो ।

अदालतका अनुसार तनावका कारण बाँच्ने इच्छासमेत गुमाइसकेका उनले त्यहीकारण आक्रमण गरेका थिए ।

यो आक्रमण चीनको सुजौ प्रान्तस्थित एक जापानी स्कुलबाहिर भएको थियो । यो आक्रमणमा चीनमा गत वर्षमा भएका तीन आक्रमणमध्ये एक थियो ।

पछिल्लो समयमा उच्च पदस्थ व्यक्तिलाई धमाधम विभिन्न केसमा मृत्युदण्ड सुनाइरहेका बेला एक आक्रमणकारीलाई पनि उक्त सजाय दिइएको हो ।