काठमाडौं- यो वर्षको हिउँद बित्न लाग्दा अहिलेसम्म नेपालमा माटो भिज्ने गरी पानी पर्न सकेको छैन । देशका केही उच्च भागमा हिमपात भए पनि अन्य भागलाई सुख्खाले सताउन थालेको छ ।

संघीय राजधानी काठमाडौं उपत्यकामा पानी पर्न सकेको छैन । तराईका जिल्लामा शीतलहर देखिए पनि काठमाडौंमा भने तापक्रम घटबढको क्रम जारी छ ।

बिहान र बेलुका निक्कै चिसो भए पनि दिउँसो समयमा पोल्ने गरी घाम लाग्ने गरेको छ। शुक्रबार दिउँसो काठमाडौं उपत्यकामा पारिलो घाम लागेको छ ।

काठमाडौं उपत्यकाको मौसम सफा हुँदा पारिलो घामका कारण उत्तरतिर हिमाल पनि टल्किएका छन् । काठमाडौं उपत्यका वरपरबाट हिमाल आकर्षक छन् । तर जलवायु परिवर्तनका कारण होचा हिमाल भने काला पत्थर बनिसकेको देखिन्छ ।

काठमाडौंबाट गणेश हिमाल, हिमालचुली र मनास्लु पनि देखिन्छ । ८ हजार १५६ मिटरमाथिको लाङटाङ हिमाल पनि देखिन्छ । काठमाडौंबाट देखिने अन्य हिमालहरूमा दोर्जेलाक्पा, फुरबी ग्याल्त्सो, गौरीशंकर पर्छन्।

फोटोहरू – नेपाल फोटो लाइब्रेरी