काठमाडौं– आइतबार र सोमबार ओरालो लागेको नेपाल स्टक एक्सचेञ्ज (नेप्से)मंगलबार भने झिनो अंकले बढेको छ । आज ३ अर्ब ४२ करोड ९८ लाख ९३ हजार रुपैयाँको सेयर कारोबार हुँदा नेप्से ३.२७ अंकले बढेर २५८४.४९ बिन्दुमा पुगेको हो ।

आज नेप्से झिनो अंकले सुधार हुँदा कारोबार भएकामध्ये १३४ वटा कम्पनीको सेयर मूल्य बढ्यो भने ११७ वटा कम्पनीको सेयर मूल्य घट्यो । तर, आज ८ वटा कम्पनीको सेयर मूल्य भने स्थिर रह्यो ।

आज नेप्सेमा एसवाई प्यानलको सेयर बिक्री गर्नेले सबैभन्दा धेरै नाफा आर्जन गरे भने सिटिजन लाइफ इन्स्योरेन्सको सेयर बिक्री गर्नेले सबैभन्दा धेरै गुमाए । आज नेप्सेमा झिनो अंकले सुधार हुँदा ७ वटा समूहको उपसूचक सकारात्मक रह्यो भने ६ वटा समूहको उपसूचक नकारात्मक रह्यो ।