सुर्खेत- जिल्ला प्रहरी कार्यालय सुर्खेतले मानव बेचबिखन तथा शरीर बन्धक मुद्दाका फरार व्यक्तिलाई पक्राउ गरेको छ।
गुर्भाकोट नगरपालिका–६ बस्ने आनन्द शर्मालाई प्रहरीको विशेष टोलीले शनिबार राति पक्राउ गरेको हो।
गुर्भाकोट नगरपालिका–११ स्थित लुकिछिपी बसेको अवस्थामा उनलाई पक्राउ गरिएको प्रहरी नायब उपरीक्षक तथा सूचना अधिकारी मोहनजंग बुढाथोकीले जानकारी दिए।
शर्मालाई सुर्खेत जिल्ला अदालतले नौ वर्ष कैद र पाँच हजार रुपैयाँ जरिवाना तोकेको थियो। अदालतको फैसला कार्यान्वयनका लागि उनलाई निरन्तर खोजी भइरहेको थियो। उनलाई पक्राउ गरी आवश्यक कानुनी प्रक्रिया पूरा गर्दै जिल्ला अदालत सुर्खेतमा पेस गरिएको सुर्खेत प्रहरीले जनाएको छ।
प्रतिक्रिया