काठमाडौं– स्वास्थ्य तथा जनसंख्या मन्त्रालयले मन्त्रालय मातहतका कर्मचारी तथा स्वास्थ्यकर्मीहरूलाई कुनै पनि राजनीतिक गतिविधिमा नलाग्न निर्देशन दिएको छ । 

मन्त्रालयले एक सुचना जारी गर्दै प्रचलित कानुन विपरीत गतिविधि गरेको पाइएमा ऐनको दफा ७३ र ७४ अनुसार नसिहतदेखि वर्खास्तीसम्मको कारबाही हुन सक्ने चेतावनी दिएको छ।

मन्त्रालयका प्रवक्ता डा.बुढाथोकीद्वारा जारी विज्ञप्तिमा भनिएको छ, नेपाल स्वास्थ्य सेवा गठन, सञ्चालन र व्यवस्थापनको उद्देश्य नै नागरिकलाई स्वास्थ्यसम्बन्धी अधिकारको प्रत्याभूति दिनु भएकाले कर्मचारीको जिम्मेवारी अझ संवेदनशील र महत्त्वपूर्ण रहने बताइएको छ ।’

ऐनको परिच्छेद ८ मा उल्लेखित आचरणहरू( समय पालना र नियमितता (दफा ५२), अनुशासन र आज्ञापालन (दफा ५३), राजनीतिक वा अवाञ्छनीय प्रभाव नपार्ने (दफा ५४), राजनीतिक गतिविधिमा भाग नलिने (दफा ५५), सरकारको आलोचना नगर्ने (दफा ५६)  तथा सरकारी कामकाजसम्बन्धी समाचार प्रकाशनमा प्रतिबन्ध (दफा ५७) पूर्ण रूपमा पालना गर्न मन्त्रालयले सबै स्वास्थ्यकर्मीलाई आग्रह गर्दछ ।