काठमाडौं– चीनको सिन्जियाङबाट भागेका २३ वर्षीय कजाख युवालाई देश निकाला नगर्न मानव अधिकारवादी संस्थाले कजाखस्तान सरकारसमक्ष आग्रह गरेको छ । आताजुर्त नामक संस्थाले कजाखस्तान सरकारसमक्ष सिन्जियाङबाट भागेका २३ वर्षीय येर्जनात एबइलाई देश निकाला नगर्न आग्रह गरेको हो ।

संस्थाका अध्यक्ष शेरिखजान बिलाशले चिनियाँ नागरिक एबइ चीनको पान्फिलोभ नगर बन्दीगृहबाट भागेर आएको जनाएका छन् । रेडियो फ्रि एशियाका अनुसार उक्त बन्दीगृह चीनसँगको सीमबाट झण्डै ४० किलोमिटर टाढा पर्छ ।

शेरिखजान हाल अमेरिकामा बसोबास गर्दै आएका छन् । चीनले सिन्जियाङ क्षेत्रमा स्थानीय मुसलमान धर्मावलम्बी उइग्युर, कजाख, तुर्किकजस्ता समुदायमाथि दमन गर्दै आएको विभिन्न मानव अधिकारवादी संस्थाहरुले आरोप लगाउँदै आएका छन् ।

देशनिकाला गरिए चीनमा एबइले यातना भोग्ने सम्भावना रहेको भन्दै उक्त संस्थाले यस्तो आग्रह गरेको हो । हाल एबइ कखाज प्रहरीको हिरासतमा रहेको जनाइएको छ ।