काठमाडौं- फिफा विश्वकप २००२ विजेता एवम् ब्राजिलका सर्वकालीन महान् फुटबलर रोबर्टो कार्लोस नेपाल सुपर लिग (एनएसएल) सिजन हेर्न दशरथ रंगशाला पुगेका छन् ।

जारी प्रतियोगिताको क्वालिफायर २ अवलोकन गर्न उनी बुधबार साँझ दशरथ रंगशालामा उपस्थित भ। विशेष अतिथिका रूपमा नेपाल आएका उनले दशरथ रङ्गशालामा फ्री किक पनि हानेका छन् ।

खेल इतिहासमा सबैभन्दा आक्रामक सोच भएका लेफ्ट–ब्याक र इतिहासकै उत्कृष्ट फुल–ब्याकमध्ये एक खेलाडीका रुपमा चिनिन्छन् । उनको वास्तविक नाम रोबर्टो कार्लोस दा सिल्भा रोचा हो । उनी ‘आरसी३’ का नामले समेत चिनिन्छन् ।

यस्तै रोबर्टो कार्लोसलाई उनको करियरभरि ‘एल होम्ब्रे बाला’ उपनाम दिइएको थियो । उनको शक्तिशाली बेन्डिङ शट र फ्री किकका लागि उनी प्रसिद्ध छन् । जुन प्रतिघण्टा १०५ माइलभन्दा बढीको गतिमा मापन गरिएको छ ।

रोबर्टो कार्लोस विशेष गरी ३ जुन १९९७ मा टुर्नोई डे फ्रान्सको उद्घाटन खेलमा फ्रान्सविरुद्ध ४० यार्डको दूरीबाट झुकेको फ्रीकिकको लागि प्रसिद्ध छन् ।

यस्तै १६ जनवरी २०११ मा रोबर्टो कार्लोसले पोर्चुगेसाविरुद्धको खेलमा कर्नर किकबाट सिधै प्रभावशाली गोल गरेर चर्चा कमाए । उनले ब्राजिलको राष्ट्रिय टोलीका लागि १२५ खेल खेले । जसममा ११ गोल गरे ।

रोबर्टो कार्लोस ब्राजिलको प्रतिनिधित्व गर्दै तीन फिफा विश्वकप, चार कोपा अमेरिका, १९९७ फिफा कन्फेडेरेसन कप र १९९६ को ओलम्पिक खेलकुदमा सहभागी भए ।

तस्बिरहरू : नेपाल फोटो लाइब्रेरी