काठमाडौं- भारतको जम्मू-कश्मीरस्थित पहलगाममा नेपाली युवक सुदीप न्यौपानेसहित २७ जनाको ज्यान जाने गरी मंगलबार भएको चरमपन्थी आक्रमणपछि प्रधानमन्त्री केपी शर्मा ओलीले समकक्षी नरेन्द्र मोदीलाई फोन गरेका छन् ।
मंगलबार भएको उक्त घटनालाई लिएर ओलीले प्रधानमन्त्री मोदीलाई फोन सम्पर्क गरी जम्मू-कश्मीरमा भएको जघन्य आतंकवादी हमलाको कडा निन्दा गरेका हुन् ।
ओलीले मोदीसँगको फोन संवादका क्रममा बहुमूल्य जीवन गुमाएकाहरूप्रति समवेदना व्यक्त गरेका काठमाडौंस्थित भारतीय दूतावासले बुधबार जनाएको छ ।
उक्त फोन संवादका क्रममा प्रधानमन्त्री मोदीले पनि आतंकवादी हमलामा एकजना नेपाली नागरिक (सुदीप न्यौपाने) को मृत्यु भएकोप्रति समवेदना व्यक्त गरेका छ्न ।
उनले उक्त क्रूर आतंकवादी हमलाका अपराधीहरूलाई न्यायको कठघरामा उभ्याउन भारत प्रतिबद्ध रहेको पनि ओलीलाई आश्वासन दिएका छन् । भारतीय विदेश मन्त्रालयका प्रवक्ता रणधीर जयशवालले उक्त आतंकवादविरुद्धको लडाइँमा भारत र नेपाल एकसाथ उभिएका पनि मोदीले बताएको उल्लेख गरेका छन् ।
Prime Minister of Nepal @PM_nepal_ Mr. KP Sharma Oli called Prime Minister @narendramodi to strongly condemn the heinous terror attack in Jammu and Kashmir, and offered his sincere condolences on the loss of precious lives. PM @narendramodi also conveyed his condolences on the…
— Randhir Jaiswal (@MEAIndia) April 23, 2025
प्रतिक्रिया