काठमाडौं- यही वैशाख १२ गते बस्ने संघीय संसद्अन्तर्गत प्रतिनिधिसभाको पहिलो बैठकमा संसद्मा रहेका दलहरूका सबै शीर्ष नेताले सम्बोधन गर्ने भएका छन् ।

पहिलो बैठकका क्रममा सबै दलका शीर्ष नेताहरूले सम्बोधन गर्ने सहमति जुटेको सभामुख देवराज घिमिरेका प्रेस सल्लाहकार शेखर अधिकारीले बताए ।

बुधबार बसेको प्रमुख सचेतक र सचेतकहरूसँग सभामुखको बैठकमा यस्तो सहमति जुटेको अधिकारीले बताएका छन् ।

सभामुख घिमिरेले सबै दलका प्रमुख सचेतक र सचेतकहरूसँग बुधबार राखेको बैठकमा यस्तो सहमति बनेको हो ।

सरकारले आगामी आर्थिक वर्षको नीति तथा कार्यक्रम र बजेट ल्याउने गरी वर्षे अधिवेशन बोलाएको हो । यी अधिवेशनमा २२ दिनदेखि आन्दोलित शिक्षकको माग सम्बोधनका लागि विद्यालय शिक्षा ऐन पेश हुने सम्भावना छ ।