काठमाडौं– राष्ट्रपति रामचन्द्र पौडेलले भारतको जम्मु कश्मीरस्थित पहलगाममा भएको आतङ्कवादी हमलामा निर्दोष व्यक्तिको ज्यान गएकोमा दुःख व्यक्त गरेका छन् ।
उनले सामाजिक सञ्जालमार्फत निर्दोष व्यक्तिलाई लक्षित गरी भएको हिंसात्मक कार्य पूर्णतया निन्दनीय रहेको उल्लेख गरेका छन् ।
उनले घटनामा आफ्ना प्रियजन गुमाएका परिवारप्रति हार्दिक समवेदना र घाइतेहरूको शीघ्र स्वास्थ्यलाभको कामना गरेका छन् ।
मङ्गलबार पर्यटकहरूमाथि भएको आतङ्कवादी हमलामा परेर एक नेपालीसहित २६ जनाको मृत्यु भएको भारतीय सञ्चार माध्यमले जनाएका छन् । घटनामा ज्यान गुमाएका भनिएका नेपालीको भने पहिचान खुलेको छैन ।
प्रतिक्रिया