काठमाडौं- छुदेन काविमोको पुस्तक ‘उरमाल’लाई नेपाली साहित्यको प्रतिष्ठित मदन पुरस्कार-२०८१ प्रदान गरिने भएको छ ।

शुक्रबार बसेको मदन पुरस्कार गुठीको बैठकले ‘उरमाल’लाई’ मदन पुरस्कारबाट सम्मानित गर्ने निर्णय भएको हो ।

उता लोकभाका सङ्कलन र संरक्षणमा विशिष्ट योगदान पुर्‍याकोमा प्रेमदेव गिरीलाई जगदम्बा-श्री पुरस्कारबाट सम्मानित गरिने भएको छ ।

यसअघि ६ साउनमा ‘मदन पुरस्कार–२०८१’ का लागि सात कृति छनोट भएका थिए ।

मदन पुरस्कार गुठीले पुरस्कारका लागि प्राप्त २९९ पुस्तकहरूबाट उत्कृष्ट सातको संक्षिप्त सूची सार्वजनिक गरेको थियो ।

अन्तिम सातमा छनोट भएका कृतिहरूमा कथा, कविता, यात्रा संस्मरणदेखि गैरआख्यानसम्मका पुस्तकहरू समेटिएका थिए । यीमध्ये यस वर्ष ‘उरमाल’ले बाजीफ मारेको हो ।

यी थिए अन्तिम छनोटमा परेका सात पुस्तक

उरमाल – छुदेन काविमो
छालबाटो : कैलाशदेखि गङ्गासम्म – रमेश भुसाल
दर्ज्यु संलाप – कुमारी लामा
पञ्चतत्त्वको पालाम – मनप्रसाद सुब्बा
बहुरुपी – श्रेयज सुवेदी
भिक्षु, व्यापार र विद्रोह – सुधीर शर्मा
हिउँको गीत – तीर्थ गुरुङ