काठमाडौं– शेयर बजारमा उछाल गएको छ । मंगलबार नेपाल स्टक एक्सचेन्ज (नेप्से) ८१ अंकले बढेको छ । नेप्से अन्तिममा ८०.९७ अंकले बढेर २९७३.७० विन्दुमा पुगेको छ । 

नेप्से २.७९ प्रतिशतले नेप्से बढ्दा कारोबारमा पनि उछाल आएको छ । मंगलबार २० अर्ब ८ करोड ५३ लाख ६७ हजार रुपैयाँ बराबरको ४ करोड ३५ लाख ८१ हजार २२८ कित्ता शेयर कारोबार भएको छ । 

बजार बन्द हुँदा २३६ वटा कम्पनीको शेयर मूल्य बढेको छ भने १४ वटा कम्पनीको शेयर मूल्य घटेको छ । कुनैपनि कम्पनीको शेयर मूल्य भने स्थिर रहेको छैन । 

३१९ वटा कम्पनी कारोबारमा आउँदा १ लाख ७७ हजार १०१ पटक शेयर किनबेच भएको छ । मंगलबार उत्पादन तथा प्रशोधन समूह ४.६३ प्रतिशतले सबैभन्दा बढी र म्युचुअल फण्ड ०.५६ प्रतिशतले बढेको छ ।