काठमाडौं – नायक दिलीप रायमाझी अभिनित फिल्म ‘हेल्लो काँशीराम’ बक्स अफिसमा ‘डिजास्टर’ सावित भएको छ ।

अति कमजोर व्यापार गरेको फिल्मलाई ‘डिजास्टर’को ट्याग लगाइन्छ ।

चलचित्र विकास बोर्डका अनुसार यो फिल्मको लाइफटाइम ग्रस कलेक्सन २६ हजार ९ सय छ ।

अर्थात्, यो फिल्म हेर्न ११० दर्शक मात्रै हलमा पुगेको बोर्डको तथ्यांकले देखाउँछ ।

यो फिल्म जेठ २ गते प्रदर्शनमा आएको थियो । त्यही दिन अर्को फिल्म ‘के घर के डेरा : घर नम्बर २’ प्रदर्शनमा आएको थियो ।

यी दुवैको फिल्मको व्यापार सुखद रहन सकेन । ‘घर नम्बर २’को पनि लाइफटाइम ग्रस कलेक्सन जम्मा ५७ लाख ७० हजार ७३२ छ ।

‘हेल्लो काँशीराम’को लेखक र निर्देशक रिम विश्वकर्मा हुन् । यस फिल्मको स्टार कलाकार दिलीप मात्रै हुन् । प्रियंका विशेष भूमिकामा छिन् ।

‘घर नम्बर २’को निर्देशक दीपेन्द्र के खनाल हुन् । फिल्ममा नायकहरु आर्यन सिग्देल, खगेन्द्र लामिछाने, निश्चल बस्नेत, नायिकाहरु केकी अधिकारी र उपासनासिंह ठकुरी छन् ।