काठमाडौं– नेपाली कांग्रेसको भ्रातृ संगठन नेपाल विद्यार्थी संघ (नेविसंघ) का पूर्व सहमहामन्त्री अच्युतराज कलौनीको स्मृतिमा स्थापना गरिने भनिएको अक्षय कोषका लागि दुई लाख रुपैयाँ हस्तान्तरण गरिएको छ । 

नेविसंघका अध्यक्ष दुजाङ शेर्पाले बिहीबार कलौनीका बुवा जनकराजलाई अक्षय कोष स्थापनाका लागि उक्त रकम हस्तान्तरण गरेका हुन् । 

कलौनी अध्यक्ष रहेको कञ्चनपुरको महेन्द्रनगरस्थित बैजनाथ नमुना उच्च माध्यमिक विद्यालयमा अक्षय कोष स्थापना हुने नेविसंघका प्रवक्ता सुरज सेजुवालले जानकारी दिए । 

पूर्व सहमहामन्त्री कलौनीको नवौँ पुण्यतिथीको शोक सभामा सहभागी हुन महेन्द्रनगर पुगेका बेला अध्यक्ष शेर्पाले बैजनाथमा अक्षय कोष स्थापनाको घोषणा गरेका थिए । कलौनी कांग्रेस कञ्चनपुरको भीमदत्त नगर सभापति पनि थिए ।