काठमाडौं– नयाँ युद्धपोत दुर्घटना भएको झोँकमा उत्तर कोरियाले क्रुज क्षेप्यास्त्र प्रहार गरेको छ । उत्तर कोरियाले बिहीबार पूर्वी सागरमा ‘धेरै वटा’ क्रुज क्षेप्यास्त्र प्रहार गरेको हो ।

यसअघि बुधबार उत्तर कोरियाले सञ्चालनमा ल्याउन लागेको युद्धपोत ‘गम्भीर’ दुर्घटनामा परेको थियो । उत्तर कोरियाली सर्वोच्च नेता किम जोङ उनले यस दुर्घटनालाई ‘आपराधिक कार्य’ को संज्ञा दिँदै यो असह्य भएको टिप्पणी गरेका छन् ।

दक्षिण कोरियाली समाचार संस्था योन्हापका अनुसार उत्तरले बिहीबार बिहान ९ बजे दक्षिणी हाम्ग्योङ प्रान्तको सिन्डोक क्षेत्रबाट क्रुज क्षेप्यास्त्र प्रहार गरेको हो । उत्तर कोरियाली गतिविधिको नजिकैबाट निगरानी भइरहेको दक्षिण कोरियाली सेनाले उल्लेख गरेको छ ।