काठमाडौं – राजेश हमालको ‘कमब्याक’ फिल्म ‘नरसिंहा: अभतार’को नयाँ पोस्टर सार्वजनिक भएको छ । फिल्मका सबै कलाकारलाई समेटेर निर्माण पक्षले मंगलबार नयाँ पोस्टर सार्वजनिक गरेको हो ।

यस पोस्टरमा १६ कलाकारहरुको तस्बिर देख्न सकिन्छ । पोस्टरको मध्य मागमा राजेशको ठूलो तस्बिर छ । उनको दायाँ र बायाँ अरु कलाकारलाई राखिएको छ ।

पोस्टरमा राजेशसहित राज कटुवाल, नीति शाह, सनिषा भट्टराई, सरोज खनाल, नीर शाह, प्रशान्त ताम्राकार, उषा खड्गी, अर्जुन श्रेष्ठ, रमेश चन्द सोडारी, दीपा शाही, प्रकाश कुँवर, राजिभ जंग बस्नेत, टार्जनलगायत छन् ।

निर्देशक तथा लेखक दिवाकर भट्टराइका अनुसार यो पोस्टरमार्फत फिल्ममा कलाकारले निर्वाह गरेको चरित्र खुलाउने प्रयास गरिएको छ ।

जेठ ९ बाट प्रदर्शनमा आउने यस फिल्मको कथा चन्द्र पन्तले लेखेका हुन् ।

क्रियटिभ सिने आर्टसका नेम महर्जन निर्माता रहेको फिल्ममा दीपक शर्मा ढकाल, नरेन्द्र महर्जन र ध्रुव न्यौपानेको लगानी छ ।