काठमाडौं- पाकिस्तानको पञ्जाब प्रान्तमा इन्फ्लुएन्जाको प्रकोप फैलिँदै गएको छ । पछिल्ला १२ दिनमा मात्रै पञ्जाबमा ५० हजारभन्दा धेरैमा इन्फ्लुएन्जाको संक्रमण देखिएको छ ।
पञ्जाब प्रान्तको राजधानी लाहोरमा यो प्रकोप तीव्र गतिमा फैलिरहेको पाकिस्तानको समा टीभीले जनाएको छ । प्रकोप फैलिएसँगै सरकारी तथा निजी अस्पतालमा बिरामीको चाप बढेको छ ।
सङ्क्रमितमा सुख्खा खोकी लाग्ने, रुघा लाग्ने, टाउको र शरीरका विभिन्न अङ्ग दुख्ने समस्या देखिएको छ । चिकित्सा परीक्षणमा बिरामीमध्ये अधिकांशमा इन्फ्लुएन्जा ‘ए’ एच३एन२ भाइरस फेला परेको छ ।
विज्ञहरुले यो प्रकोप डिसेम्बरदेखि फेब्रुअरी महिनाको बीचमा अझ फैलिने चेतावनी दिएका छन् ।
प्रतिक्रिया