काठमाडौं – रिभर फल्स पावर लिमिटेडले हकप्रद शेयर निष्काशन गर्ने भएको छ। कम्पनीले भदौ २३ गतेदेखि हकप्रद शेयर निष्काशन गर्ने भएको छ।

चुक्ता पुँजीको सय प्रतिशत हकप्रद शेयर निष्काशन गर्ने भएको छ। कम्पनीले हाल कायम एक कित्ता शेयर बराबर नयाँ एक कित्ता अनुपातमा हकप्रद शेयर निष्काशन गर्ने भएको हो।

कम्पनीले ७० करोड रुपैयाँ बराबरको प्रतिशेयर सय रुपैयाँ अंकित मूल्यका ७० लाख कित्ता हकप्रद शेयर बिक्री गर्ने भएको छ।

कम्पनीले साउन २६ गते एक दिनका लागि बुक क्लोज गरिसकेको छ। हकप्रद शेयरमा असोज १२ गतेसम्म आवेदन दिन सकिने भएको छ।

शेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ। कम्पनीको चुक्ता पूँजी ७० करोड रुपियाँ छ। हकप्रद निष्काशन तथा बाँडफाँटपश्चात कम्पनीको चुक्ता पूँजी एक अर्ब ४० करोड रुपैयाँ पुग्नेछ।