काठमाडौं- रत्नपार्क राधानीको मुटुमै अवस्थित छ । काठमाडौंमा खुला स्थान थोरै छन् । तिनैमध्येको रत्नपार्क पनि एक हो । यहाँ खाली समय बिताउने युवायुवतीसँगै घुमघामका लागि आएका पर्यटक पनि धेरै भेटिन्छन् ।

कतिपय साथीभाइको समूह पनि केही समय काट्न यहाँ आउँछन् । कोही भने परिवारसँग घुम्नका लागि पनि यहाँ आउने गरेका छन् ।

यहाँ केटाकेटीको उफ्रिपाफ्री र उछलकुद पनि उत्तिकै देखिन्छ । यहाँबाट काठमाडौंका प्रायः सबै ठाउँबाट गाडी आउँछन् । यसै कारण पनि रत्नपार्कमा मानिसहरुको भीड देखिन्छ ।

पार्कभित्र कोही पुस्तक पढिरहेका देखिन्छन् त कोही ल्यापटप चलाइरहेका भेटिन्छन् । हरियाली बगैँचा, अनि मनै लोभ्याउने फूलले रत्नपार्कलाई सुन्दर र मनमोहक बनाएको छ ।

ठाउँठाउँमा रहेका चौतारा र पिङले रत्नपार्कलाई अझ आकर्षक बनाएको छ । रत्नपार्कका विभिन्न ठाउँमा रङरोगन पनि गरिएको छ । पछिल्लो समय रत्नपार्क समय बिताउने आकर्षक थालोको रुपमा विकसित हुँदै गएको छ ।

खबरहबका हुलास शाही ठकुरीले रत्नपार्कका केही तस्बिर खिचेका छन्-