काठमाडौं – नायक अनमोल केसीको मुस्ताङसँग पूरानो सम्बन्ध छ । फिल्म ‘जेरी’ले उनलाई मुस्ताङसँग नजिक गराएको हो ।

वि.सं २०७१ सालमा अनमोल शीर्ष भूमिकामा रहेको फिल्म ‘जेरी’ प्रदर्शनमा आयो । यो फिल्मको छायाङ्कन मुस्ताङको विभिन्न स्थानमा भएको थियो ।

आन्तरिक पर्यटनको गन्तव्य मुस्ताङ बन्न यही फिल्मका समावेश त्यहाँका दृश्यहरू प्रमुखमध्येको एक बन्यो । त्यहीकारण त्यहाँका स्थानीयले दुम्बा ताललाई ‘जेरी लेक’ र मार्फा गाउँको एक गल्लीलाई ‘जेरी गल्ली’ नामकरण गरेका छन् ।

१० वर्षपछि जेरीको सिक्वेल ‘जेरी अन टप’को छायाङ्कन हुँदैछ । उनी त्यसको छायाङ्कनका क्रममा पुनः जेरी गल्ली पुगेका थिए ।

त्यहाँका स्थानीय अनमोललाई बाजागाजासहित स्वागत गरेका छन् । स्थानीयहरुले अनमोललाई फिल्मको शुभकामना र मायाको चिनो दिएका थिए ।

आफ्नो ठाउँको प्रचार गरेकामा उनीहरूले अनमोललाई धन्यवादसमेत दिए । अनमोलको साथमा ‘जेरी अन टप’की नायिका आँचल शर्मासमेत थिइन् ।

अनमोलले यो सम्मान र स्वागतले दश वर्ष पुरानो दिनलाई हिजो जस्तै महसुस गराएको बताइएका छन् । यस लागि उनले मुस्ताङवासीलाई धन्यवाद दिएका छन् ।